2018-imi
Ingerlariaqqiffiusumik ilinniarfinni naammassinnittarnerit
2018-imi
aallartittumik Naatsorsueqqissaartarfiup ilinniarnermik unitsitsiinnartartut
ukiumoortumik saqqummersissaarpai. Eqqarsaatigilluarneqareerluni
taamaaliortoqarpoq, annermik isiginiarneqarpoq ilinniarnermi unitsitsiinnarneq
unitsitsivinnertut isigineqarsinnaannginnera tassami ilinniarneq unitsissimasaq
aallarteqqinneqarsinnaammat. Maanna taakkununnga paarlaallugu, ilinniartut
ilinniakkamik aallartitsinermiit ukiut 1-10 qaangiunnerini ilinniarnermi
killiffii saqqummersinneqarput. Ilinniartut ilinniakkaminnik
naammassinnissimasut ilinniakkap aallartinneraniit ukiut quliut tungaannut
qaangiunnerini agguaqatigiissillugu naammassisarnermut procentiat tabelinit
naatsorsorneqarsinnaavoq.
Tabelini
ilinniarnermi killiffiit naatsorsukkat tassaapput:
· Ilinniakkami pineqartumi
aallartinneqarsimasumi killiffik
· Ilinniakkap qaffasissusaani
aallartinneqarsimasumi killiffik
Tabelimi
kingullermi ilinniartut ilinniakkap qaffasissusaani
ataatsimi ilinniakkap sammivianik allanngortitsisut sillimaffigineqarput.
Saqqummersitami
ingerlariaqqiffiusumik ilinniakkat kisimik pineqarput. Inuusuttunut
ilinniarfinni naammassinnittarnerit pillugit saqqummersitaq www.stat.gl –imi takuneqarsinnaavoq.
Ilinniakkamik
aallartissimasamik naammassinnittarneq
Ingerlariaqqiffiusumik
ilinniarfiit ilinniakkanik naatsunik nalinginnaasumik ukiunik marlunnik
sivisussusilerneqarsimasunik, ilisimatusarluni bachelorinngorniarnernik ukiunik
pingasunik sivisussusilerneqarsimasunik, professionsbachelorinngorniarnernik
ukiunik 3,5-4-inik sivisussusilerneqarsimasunik kandidatinngorniarnernillu ukiunik marlunnik sivisussusilerneqarsimasunik
imaqarput.
2014-imi
ilinniakkamik ingerlaqqiffiusumik naatsumik aallartitsisimasunut ukiunut
siuliini aallartissimasunut sanilliullugit
amerlanerungaatsiartut naammassisimapput. 2013-imi 114-it aallartissimasut
akornanni 64-it ukiut sisamat ingerlaneranni ilinniarnertik naammassisimavaat.
Ilinniarlutik aallartissimasut affaat sinnilaarlugit,
51 pct.-it ukiut marluk
ilinniarnerup sivisussusissaa eqqorlugu naammassisimapput.
2013-imiit
ilisimatusarluni bachelorinngorniat naammassinnittarnermut procentiat
ingerlariaqqiffiusumik ilinniakkat akornanni appasinnerpaavoq.
Aallartitsinermit ukiut pingasut qaangiunnerini 15 procentiisa ilinniagaq
aallartissimasartik naammassisimavaat. Ukiullu tallimat qaangiunnerini 30
procentiisa ilinniagartik naammassisimallugu.
2012-imi professionsbachelorinngorniarlutik ilinniakkamik aallartissimasut 44 procentiisa ukiut sisamat
qaangiunnerini, ilinniannerup sivisussusissaa
eqqorlugu, ilinniagaq aallartissimasartik naammassisimavaat. Ukiullu marluk qaangiuteqqinnerini
53 procentinut amerleriarsimapput. Taamaasilluni naammassinnittarnermut
procentiat 2011-mi aallartissimasunut sanilliullugu 7
procentinik apparsimavoq.
2014-imi kandidatinngorniarlutik ilinniakkamik aallartitsisimasut 38
pct.-it ilinniakkap
sivisussusilerneqarnera malillugu ilinniakkaminnik naammassinnissimapput,
ukiulli sisamat ingerlanerini 60 procentii naammassinnissimallutik.
Titartagaq
1. Ingerlariaqqiffiusumik ilinniarfinni naammassinnittarnermut procenti,
2012-imi, 2013-imi 2014-imilu aallartittut malillugit
Nalunaarut:
Naammassinnittarnermut procenti ukiup pineqartup naanerani naatsorsorneqarpoq,
ukiorlu siullermeerluni ilinniakkamik aallartitsivik ungaluuserlugu
ilanngunneqarpoq; Ingerlariaqqiffiusumik ilinniakkat naatsut (2014),
bachelorinngorniarnerit (2013), professionsbacheloringorniarnerit
(2012), kandidatinngorniarnerit (2014). Ilinniakkat
sivisussusilerneqarneri ukioq kaajallallugu
naatsorsorneqarput.
Najoqqutaq:
Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDNISC11L).
Arnat
angutinit amerlanerusut ilinniakkamik naammassinnissimapput
Arnat
angutinit amerlanerusut ingerlariaqqiffiusumik ilinniarfimmik
aallartitsisarput. Taamatuttaaq arnat amerlanerusut naammassisarput.
2012-imi professionsbacheloritut ilinniarfinni aallartissimasut
akornanni nikingassut annertunerpaajuvoq, arnat angutillu aallartissimasut
akornanni ukiut arfinillit ingerlaneranni arnat akornanni naammassisimasut 61 pct.-iusimapput angutit akornanni
naammasisimasut 37 pct.-iusut.
Akademiskiusumik
bachelorinngorniartut naammassinnittarnermut kisitsisaanni arnat
amerlanerusimapput, 2013-imi aallartissimasut
eqqarsaatigissagaanni. Taakkunani arnat 35 pct.-ii
angutillu 20 pct.-ii naammassisimapput. Ukiup siuliani
arnat angutillu naammassisartut naligiinnerupput, tassa angutit
naammassisimasut 23 pct.-iusimagamik
arnat 25 pct.-iusut.
Ingerlaqqiffiusuni
ilinniarfinni naatsuni aamma kandidatitut
ilinniarfinni naammassisut arnat angutillu naligiinnerupput. Ingammik
ingerlaqqiffiusumik ilinniarfinni naatsuni ukiup siulianut sanilliullugu
nikingassuseq annikillisimavoq. 2013-imi ilinnialersimasut akornanni arnat
angutillu naammassisut nikingassutaat 30 pct.-iuvoq 2014-imi 2 pct.-iinnaasoq.
Titartagaq
2. Ingerlariaqqiffiusumik ilinniarfinni ukiunik marlunnik sivisunerusumillu
sivisussuseqartuni naammassinnittarnermut procenti, 2012-imi, 2013-imi
2014-imilu aallartittut suiaassusaat malillugu
Nalunaarut:
Naammassinnittarnermut procenti ukiup pineqartup naanerani naatsorsorneqarpoq,
ukiorlu siullermeerluni ilinniakkamik aallartitsivik ungaluuserlugu
ilanngunneqarpoq; Ingerlariaqqiffiusumik ilinniakkat naatsut (2014),
bachelorinngorniarnerit (2013), professionsbacheloringorniarnerit
(2012), kandidatinngorniarnerit (2014). Ilinniakkat
sivisussusilerneqarneri ukioq kaajallallugu
naatsorsorneqarput.
Najoqqutaq:
Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDNISC11).
Kalaallit Nunaanni amerlanerusut
naammassisartut
Nuna
ilinniarfik malillugu naammassinnittarnermut procentit annertuumik
assigiinngissuteqarput.
Kalaallit
Nunaanni ingerlariaqqiffiusumik ilinniakkani naatsuni professionsbachelorinngorniarnernilu
ilinniartut 71 procentit 58 procentillu naammassisimasut Kalaallit Nunaata
avataani ilinniartut 44 procentii 40 procentiilu naammassisimapput. Akerlianik
Kalaallit Nunaata avataani kandidatinngorniartut
naammassisartut malunnartumik amerlanerupput, Kalaallit Nunaata avataani
ilinniartut 82 procentii naammassinnissimasut Kalaallit Nunaanni ilinniartut 24
procentii naammassisimasut.
Titartagaq
3. Ingerlariaqqiffiusumik ilinniarfinni ukiunik marlunnik sivisunerusumillu
sivisussuseqartuni naammassinnittarnermut procenti, 2012-imi, 2013-imi
2014-imilu aallartittut nuna ilinniarfiat malillugu
Nalunaarut:
Naammassinnittarnermut procenti ukiup pineqartup naanerani naatsorsorneqarpoq,
ukiorlu siullermeerluni ilinniakkamik aallartitsivik ungaluuserlugu
ilanngunneqarpoq; Ingerlariaqqiffiusumik ilinniakkat naatsut (2014),
bachelorinngorniarnerit (2013), professionsbacheloringorniarnerit
(2012), kandidatinngorniarnerit (2014). Ilinniakkat
sivisussusilerneqarneri ukioq kaajallallugu
naatsorsorneqarput.
Najoqqutaq:
Naatsorsueqqissaartarfik- kisitsisaataasivimmi kisitsisit takukkit (http://bank.stat.gl/UDNISC11L).
Ilinniakkap
qaffasissusaanik aallartissimasamik naammassinnittarneq
Ilinniartut
ilaat ilinniagaq aallartissimasartik unitsillugu allamik ilinniakkamik naammassinnittarput.
2011-mi siullermeerlutik ingerlariaqqiffiusumik ilinniakkamik
aallartitsisimasut 65 procentii ukiut arfineq-marluk ingerlanerini
ingerlariaqqiffiusumik ilinniakkamik naammassinnissimapput. Taakkunannga 9
procentit ilinniakkap qaffasissusaani
aallartissimasaraluaminnit allaanerusumi ilinniakkamik naammassinnissimapput.
Pingaartumik ilisimatusarluni bachelorinngorniarnerninngaanneersut amerlasuut
unitsitsisarput sammivimmillu allamik aallartitsillutik soorlu professionsbachelorinngorniarnernik imaluunniit
ingerlariaqqiffiusumik ilinniarnernik naatsunik. 2011-mi
bachelorinngorniarlutik aallartissimasut 27
procentiisa ukiut arfineq-marluk ingerlanerini ilinniagartik naammassisimavaat,
28 procentilli ingerlariaqqiffiusumik ilinniarfimmik allamik qaffasissusilimmik
naammassinnissimallutik.
Titartagaq
4. Ingerlariaqqiffiusumik ilinniarfimmi aallartinnermiit ukiut arfineq-marluk
qaangiunnerini ilinniakkap killiffia, 2011-mi aallartittut malillugit
*Ingerlariaqqiffiusumik ilinniakkani ilinniakkap qaffasissusaanik allamik naammassinnissimasut.
Nalunaarut: Ilinniakkap killiffia ukiup naanerani ilinniartunut 2011-mi inuusuttunut ilinniarfimmik siullermeerlutik aallartitsisimasunut naatsorsorneqarpoq.
Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNISC11O).